Gjatë Prime-it të sotëm, Rozana dhe Gerta patën një debat të tensionuar, i cili erdhi si vazhdim i një përplasjeje të mëhershme mes tyre. Shkak për këtë konflikt u bë një moment kur Gerta, për të shmangur thirrjen e Rozanës me emër, iu drejtua asaj me fjalët “o e bija e Ferdinandit”. Kjo deklaratë duket se ka prekur këngëtaren, duke çuar në një përplasje të fortë mes tyre gjatë spektaklit.

Debati mes dy banoreve ka sjellë reagime të shumta si brenda shtëpisë ashtu edhe nga publiku. Mbetet për t’u parë si do të ndikojë ky konflikt në raportin e tyre dhe dinamikën e lojës.

Ledioni: A është normale brenda kontekstit ku jemi që gjatë dhënies së një argumenti të përmendet emri i dikujt që nuk jeton më? Gerta: Unë nuk po them diçka të jashtëzakonshme, unë thjesht po them që Rozana është e bija e babait dhe preferoj që të mos e thërras fare me emër.

Ledioni: Pra është normale?

Rozana: Pse ti e bija e kujt je? Të gjitha vajzat janë të bijat e baballarëve…

Gerta: Pikërisht.

Rozana: Po ç’të duhet ty im at të cilin e kam mbuluar me dhe ka 20 vjet? Ai nuk ka ardhur në Big Brother. Unë babain tënd nuk ta kam përmendur, madje e kam uruar sot që të bëhet 100 vjeç. Më ke përmendur babain që nuk është më, më ke përmendur motrën që nuk gjendet në Big Brother dhe je një gënjeshtare kalibri. Je një grua shumë e keqe që në momentin që merresh me të vdekurit. Kelly mos u përfshi fare…

Laerti-Kellyt: Ti nuk ishe aty fare. Për gjërat që nuk je, mos bëj sekretarin e Aldos.

Rozana: Kemi të bëjmë me gruan që ka gojën më të keqe në shtëpi. Boll, boll. Më lër pa emër, por babain mos ma përmend. Më ke vënë sinonime nga më të ndryshmet, më ke quajtur gore, më ke quajtur tope, na ke quajtur të pamoralshëm. Na ke bërë sikur nuk bëjmë dot fëmijë dhe nuk i bëjmë dot ato që bën ti. Laertin e bëre pa familje. Ke përmendur…

Gerta: Boll, boll.

Rozana: Jo, jo. S’ka boll me mua. Je një gënjeshtare, ti vë në dyshim të gjitha klipet që ke parë, ke mashtruar që në moment të parë këtu…

Gerta: Qëndro te emri, nuk mund të më deformosh mua emrin.

Rozana: Unë kam emër, quhem Rozana Radi dhe jam shumë krenare që jam e bija e Ferdinand Radit, sikurse janë edhe shumë vajza të tjera krenare që janë vajzat e baballarëve të tyre.

Gerta: Unë nuk të thërras më në emër…

Rozana: Je një grua e turpshme. Mos më sepse nuk e ke Big Brotherin në varreza, e ke këtu me të gjallët.

Laerti: O Gerta, nënshtetësinë nuk ma ke dhënë ti. Andropauzën nuk ma ke dhënë ti, boll the shpifje.

Rozana: O Laert, boll se po merresh me një grua gënjeshtare.